منطقة الجمبري

انا عميل قديم لفرع صاري الروضه من ايام ما فتح الفرع هناك و اليوم و معايا ولدي في فرع ردسي و كان نفسه يجربه وصلت المحل و معايا كيس و فيه ( ايس كريم ) و لمن دخلت ابغى اشوف مكان اجلس فيه ناداني الموظف بكل احترام يشكر عليه و افادني انه ما اقدر ادخل بالكيس جوا المحل !؟ فاستغربت من تصرفه و سألته عن السبب افادني بانها سياسة المحل و لو تجاوزت عنها فالمحل مزود بالكاميرات و راح اتحاسب على هذا التجاوز ، افدته باني ماراح اكل في المحل ، فأعتذر بكل لطف و طلب مني اني احطه على جنب عندهم !! فقدرت موقفه و رفضت اني احط الكيس و طلعت … التصرف بالنسبي لي كان غير لطيف كسياسة مطعم ، كان ممكن يكسبوا عميل للفرع الجديد و دائم . تقييمي لا يشمل اي شيء سوى انها معامله ضايقتني فعلا و كنت فعلا مشتهي اكلهم انا و ابني الصغير كان حابب يجربه عمواماً … اتمنى تنظروا في سياسات المطعم بخصوص الامور الصغيرة هذي ، خصوصا ان الي كان معايا مجرد ايس كريم و اخذه تيك اوي و ليس اكل من مطاعم اخرى المشكله انه هذي المشاكل في المطعم من قبل حصلت في فرع صاري و بسبب احد موظفيهم و كان غير سعودي افتكر و كان اسلوبه في التعامل سيء و لا كان الي قدامه عميل ولا يمكن انسى اساءته و ادارة المطعم لا تسأل و لا تدور رضى عملائها !؟ فقط غيروا سياساتكم الغير مرنه فقط لا غير ولا اكلكم ما في اي شك على جودته ، يعتبر الألذ و الافضل في هذا المجال. 📍 2709 صاري فرعي، Street، جدة 23435، المملكة العربية السعودية