7 بلكانس بسترو

طيب مقدمة صغيرة قبل نبتدي في ابداء الرأي في التجربة الجديدة كلياً لي ، صراحة الواحد صار يقلق 🙄 لمن يعطي رأيه في مطعم و يقول ممتاز 👌 ، السبب انه ارجع للمطعم ابغى استمتع بالاكل فيه ، الاقيه يقول لي المكان Full او نحطك انتظار 🤣 ، او زي ما حصل لاحد المطاعم ، الطلب الي احبه يقولوا لي صار يخلص من الساعه ٨ المساء 🤣🤣🤣 على قد ما فرحت على قد ما صرت اراجع نفسي في مدح الطلب🤣😂 و الحق هنا في هذا المطعم ( البلقاني ) بالذات ، كأسم غريب بالنسبه ليا و اسمه في حد ذاته ملفت ، الاكل فيه بخليك تحتار 🤔 و تعجز تختار ، و صعب جدا تحكم عليه بغير انه تجربه لازم الكل يجربها و يستمتع بالنكهات الغبر تقليديه في اللحوم المدخنه ، على سبيل المثال : البيكون المدخن ، الببروني المدخن ، البستيرمي المدخن و هذا بالذات الي اناما استسيغ طعمه ابدا في اي مكان ( لكن هنا في المحل هذا 😋 اول مره اذوق طعم يستحق المدح للبستيرمي ) الذ شي جربته في الطبق للاربعه انواع و هنا انا ذكرت ٣ بس الرابع انتوا تروحوا تسألوا عنه عندهم 😌 و تلاقوه في الصوره محطوطه فيه ٤ شرائح ، افتحوا الصوره لكن تروحوا المحل و اسالوهم هناك عنها ، الالذ بالنسبه ليا : ( البيكون المدخن و البستيرمي ) و نحي الان للطلبات الثانيه : اقدر اقول ان عندهم الذ الذ الذ كريسبي بيكون ( كريسبي شبس) في جده بلا منافس اخير في احد يقدر موضوع انك تاكل البيكون وحده و انه يكون وجبه او طبق جانبي و يكفي انك تستمتع بيه ، اللوود فرايز - هذا وحده قصة و تحكي عن نفسها كل طبقه فيه تخليك تبغى تكتشف اكثر و صدقني حتصير (نظام برينجلز ) لما تفك ما حتسك 🤣🤣 البرغر نوعين ما ينوصفوا لحد ما تجربهم و الطلبات مضافه في الفاتوره الي في الصور الحلا عندهم 🥲 جربو التفاحة المشويه 😍😍😍😍 صراحة المطعم هذا تجربه تبغى تعيشها كل مره و ما تندم ، الشي الي لسه ما جربته - السجق و المشويات المشكله بس اقدر اقولها بكل ثقه انها ممتازه و حجربها باذن الله قريب و حضيف التجربه هنا برضو ، هذا اذا لقيت ليا مكان عندهم بعد الوصف هذا اخاف اروح يقولوا لي انتظار 😍 بس والله يستحق انتظر علشانه الموظفين : ذوق و محترمين و راقيين في تعاملهم الشيف : شخصيه راقيه جدا و محترم و يحب يتاكد من جوده الطعام الي بيقدمه لك و رأيك فيه . شكرا جزيلا للمطعم و لادارته و لصاحب فكرة احضار هذه التجربه في المملكه 📍 طريق الامير سلطان، الروضة، جدة 23435، المملكة العربية السعودية