أيام اللولو

⭐️⭐️⭐️⭐️ المكان اسمه “أيام اللولو” وفعلاً الاسم على مسمّى 👌 المطعم والكافيه أجواءه مره حلوة وهادية، ديكوره جميل ويخليك ترتاح وانت جالس. الموظفين محترمين ولبقين وخدمتهم سريعة ويستاهلوا الشكر 👏 جربت عندهم المشويات المشكلة والشيش طاووق وكان طعمهم لذيذ ومتبّل مضبوط. الحمص بالبيستو إضافة جديدة وحقيقةً كان لذيذ ويستاهل التجربة. و الكعك بالجبنه نحيف و مقرمش و لذيذ ، كمان جربت المعسل “تفاحتين” وكان تمام، لكن الصراحة سعر الشيش عندهم مرتفع شوية مقارنة بالمكان. من الملاحظات المهمة: الكراسي تحتاج شوية عناية وتكون أريح للجلوس، لأن الجلسة الطويلة مع الأصحاب أو العائلة تبغى كراسي مريحة أكثر. ولازم يشوفوا حل لمواقف السيارات لان المحل الموجود في الموقع هو ايام اللولو وعدد السيارات في المواقف لا يتوافق باي شكل من الاشكال مع الزحام الي فيها خصوصا انه بتضر رواد الكافيه ، و معظم الي بيوقفوا فيها من مبنى اخر لا علاقه له بالمواقف المخصصه للكافيهات و هذا يضر باسم الكافيه و رواد الكافيه. بشكل عام المكان يستاهل الزيارة، راحة نفسية وأكل طيب وخدمة سريعة. إذا تعدل موضوع الكراسي وتكون الأسعار أنسب خصوصاً الشيش، راح يكون من أفضل أماكن الجلسات في جدة 📍 حسن نائب الحرم، الأندلس، جدة 23322، المملكة العربية السعودية